القنبله الذريه

[الممتاز]

قصيده للمبدع عريمان بن مقعد الرويبي السبيعي
نويـت افجـر قنبلـة ذريــة=بين المحيط الأطلسي والهـادي
مادامها بيـن العـرب حزبيـة=اعلن ولائي للوطـن وجهـادي
حب الوطن والنصرة القوميـة=سيطر على عقليتـي وفـوادي
وأنـا زعيـم الثـورة الشعبيـة=والشعب شعبي والبلاد بـلادي
مير البلا فـي البنيـة التحتيـة=تموت لاجل المنتخب والنـادي
كـن المواقـف ماتبـا جـديـة=كل الجموع محدريـن الـوادي
قلت آتغانـم حدهـا فـي يديـة=واصيح في بعض العرب وانادي
نبا الحبـارى ياهـل المحميـة=قدام طيـري ينفلـت وزنـادي
الطيب لـولا السيـرة الذاتيـة=ماقلتوا مفرج قصيـر مهـادي
ميعادنـا لاطـال ظـل الفـيـة=السبت الأول من هلال جمـادي
والله يبيض وجـه ابـو جنبيـة=ساعة نصيته ماوقـف متحـادي
والبنز الابيض غرنـي بوديـه=ومكيفـه ومسجلـه والـرادي
من لايميـز بيـن ذيـك وذيـة=مع احترامي قلت ميـده غـادي
أشتلت حمل النـاس كنـه ليـه=حتى قصم ظهر البعير شـدادي
ماعاد بـه رحمـة ولا ماويـة=ان طحت والا قمت كله عـادي
هذي بيـوت الشاعـر المنقيـة=ماقلتها حتـى لحقـت مـرادي

[السمو]

صح لسانك ولسان قايلها

لاهنت اخوي الممتاز على الأختيار الموفق

تحياتي لك ..

[أبو سنـــــاء]

صح لسانك ولسان الشاعر

ولاهنت على الاختيار الرائع