قصيدة مؤثرة ....

[أبو سنـــــاء]

وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا

[رنياوي مهاجر]

الله يعطيك العافيه اخوي غريب على طرح هذه القصيده التي تأثر منها الجميع عندما سمعها..وشكر لـتألقك في الطرح وبصمتك في الحضور..ولا خلا ولاعدم منك ولامن مشاركاتك ..لك مني وافر الاحترام.

[أبو سنـــــاء]

اشكرك أخوي محمد

شرفني مرورك العطر

[910]

قال صلى الله عليه وسلم يوصي بالوالدين في حديث فيما معناه

( امك ثم امك ثم امك ثم ابيك )

فالوالدين لن نلحق جزاهما مهما فعلنا

وحديثه صلى الله عليه وسلم

( الجنه تحت اقدام الامهات )

دمتم بود

[أبو سنـــــاء]

اشكرك أخوي 910

على

مرورك العطر

ومشاركتك الاكثر من رائعه

[السمو]

قصيده في قمة الروعه

سلمت اناملك اخوي غريب على النقل الموفق

لاهنت يالغالي

تحياتي لك ..

[مـ؛ـوجـ؛ـ]

يسلمووو غريب على هذه القصيده

[أبو سنـــــاء]

مشكور أخوي السمو

على مرورك العطر

ومشاركتك الرائعه

[أبو سنـــــاء]

اشكرك أخوي موج على مرورك